ஆரோக்கியமான வாழ்க்கை முறைக்கு முட்டை ஒரு சிறந்த உணவாக இருந்தாலும், அதனை அளவோடு சாப்பிடுவது முக்கியம். குறிப்பாக அதிக எண்ணெய் மற்றும் உப்பு சேர்த்து தயாரிக்கப்படும் முட்டை வறுவல், முட்டை பொரியல் போன்றவற்றை அடிக்கடி சாப்பிடுவதை தவிர்க்க வேண்டும். தினமும் முட்டை சாப்பிடுவது நல்லதா? முட்டை மஞ்சள் கரு, அவித்த முட்டை, கொலஸ்ட்ரால், புரதச்சத்து உள்ளிட்ட முக்கிய தகவல்களை தெரிந்துகொள்ளுங்கள்.
முட்டை என்பது புரதச்சத்து நிறைந்த சிறந்த உணவுகளில் ஒன்றாகும். உடலுக்கு தேவையான பல்வேறு வைட்டமின்கள், தாதுக்கள் மற்றும் ஊட்டச்சத்துகளை வழங்கும் முட்டை, தினசரி உணவில் முக்கிய இடம் பிடித்துள்ளது. முட்டையில் உயர்தர புரதம், வைட்டமின் B12, வைட்டமின் D, வைட்டமின் A, செலினியம் மற்றும் கோலின் போன்ற அத்தியாவசிய ஊட்டச்சத்துகள் உள்ளன.
இதையும் படிங்க : வெந்நீர் குடித்த பிறகு நடைபயிற்சி செய்தால் உடல் எடை குறையுமா? உண்மை என்ன?
முட்டை சாப்பிடும்போது செய்ய வேண்டியவை
- முழு முட்டையையும் சாப்பிடுங்கள்
முட்டை சாப்பிடும் போது பலர் மஞ்சள் கருவை தவிர்த்து வெள்ளைக்கருவை மட்டும் சாப்பிடுவார்கள். ஆனால் மஞ்சள் கருவில்தான் கோலின், வைட்டமின் D உள்ளிட்ட முக்கிய ஊட்டச்சத்துகள் அதிகம் உள்ளன. எனவே முழு முட்டையையும் சாப்பிடுவது நல்லது.
- பொரித்த முட்டையை விட அவித்த முட்டை சிறந்தது
அவித்த முட்டையில் தேவையற்ற எண்ணெய் சேராது. இதனால் கலோரி அளவும் குறைவாக இருக்கும். இதய ஆரோக்கியத்திற்கும் இது சிறந்த தேர்வாக கருதப்படுகிறது.
- நார்ச்சத்து உணவுகளுடன் சேர்த்து சாப்பிடுங்கள்
முட்டையுடன் காய்கறிகள், பழங்கள் அல்லது முழுதானிய உணவுகளை சேர்த்து சாப்பிடுவது செரிமானத்தை மேம்படுத்தும். மேலும் நீண்ட நேரம் பசியைக் கட்டுப்படுத்த உதவும்.
- சரியாக சேமித்து பயன்படுத்துங்கள்
முட்டைகளை நீண்ட நாட்கள் வெளியே வைத்திருக்காமல் குளிர்சாதனப் பெட்டியில் சேமித்து வைப்பது பாதுகாப்பானது. இது பாக்டீரியா வளர்ச்சியைத் தடுக்க உதவும்.
இதையும் படிங்க : இரவு 7 மணிக்குப் பிறகு இந்த 5 உணவுகளை தவிர்க்க வேண்டும். ஏன் தெரியுமா?
தவிர்க்க வேண்டியவை
- பச்சை முட்டை சாப்பிட வேண்டாம்
பச்சை அல்லது முழுமையாக வேகவைக்கப்படாத முட்டைகளில் சால்மோனெல்லா போன்ற பாக்டீரியாக்கள் இருக்கலாம். எனவே முட்டையை நன்றாக வேகவைத்து சாப்பிடுவது அவசியம்.
- அதிக கொலஸ்ட்ரால் இருப்பவர்கள் கவனம்
உடலில் கெட்ட கொலஸ்ட்ரால் (LDL) அதிகமாக இருப்பவர்கள் முட்டையை அளவோடு சாப்பிட வேண்டும். வாரத்திற்கு எத்தனை முட்டைகள் சாப்பிடலாம் என மருத்துவரிடம் கேட்டு தெரிந்து கொள்வது அவசியம்.
- முழுமையான ஊட்டச்சத்து
முட்டை சிறந்த புரத உணவாக இருந்தாலும், பருப்பு வகைகள், நட்ஸ், பால் பொருட்கள் மற்றும் தானியங்களையும் உணவில் சேர்த்துக் கொள்வது உடலுக்கு முழுமையான ஊட்டச்சத்தை வழங்கும்.
(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் தகவல்களின் அடிப்படையில் கொடுக்கப்பட்டுள்ளது. இதை வெறும் தகவலாக மட்டும் எடுத்துக் கொள்ள வேண்டும். மேலும் மருத்துவ ஆலோசனைக்கு தகுந்த மருத்துவரை அணுகவும்)
