இந்திய சுதந்திர தினமான ஆகஸ்ட் 15-ஆம் தேதி மகிந்திரா நிறுவனம் புதிய SUV ஒன்றை அறிமுகப்படுத்த உள்ளது. ஆனால், எந்த மாடல் வெளியாகும் என்பது குறித்து நிறுவனம் இதுவரை அதிகாரப்பூர்வமாக அறிவிக்கவில்லை. இருப்பினும், சமீபத்தில் சோதனை ஓட்டத்தில் காணப்பட்ட Scorpio N Facelift மாடல் அறிமுகப்படுத்த வாய்ப்பு உள்ளதாக கூறப்படுகிறது.
மகிந்திரா கடந்த சில ஆண்டுகளாக சுதந்திர தினத்தை முன்னிட்டு புதிய SUV வாகனங்களை அறிமுகப்படுத்தி வருகிறது. இதனை தொடர்ந்து, இந்த ஆண்டும் புதிய மாடல் ஒன்றை அறிமுகப்படுத்த நிறுவனம் திட்டமிட்டுள்ளது.
தற்போது பெட்ரோல், டீசல் மற்றும் மின்சார SUV-கள் உள்ளிட்ட பல புதிய மாடல்கள் இந்திய சாலைகளில் சோதனை செய்யப்பட்டு வருவதால், எந்த வாகனம் முதலில் அறிமுகமாகும் என்ற எதிர்பார்ப்பு அதிகரித்துள்ளது.
2022-ஆம் ஆண்டு அறிமுகமான Scorpio N இதுவரை சிறிய அளவிலான புதுப்பிப்புகளை மட்டுமே பெற்றுள்ளது. இந்த முறை புதிய Scorpio N Facelift மாடலில் வெளிப்புற வடிவமைப்பில் சில மாற்றங்கள் எதிர்பார்க்கப்படுகின்றன.
புதிய முன்புற கிரில் (Grille), மாற்றியமைக்கப்பட்ட முன்புற பம்பர், புதிய LED ஹெட்லேம்ப் வடிவமைப்பு, புதிய அலாய் வீல் வடிவமைப்பு மற்றும் பின்புறத்தில் சிறிய ஸ்டைலிங் மாற்றங்கள். இந்த மாற்றங்கள் SUV-க்கு மேலும் நவீன தோற்றத்தை வழங்கும்.
Scorpio N Facelift வெளியீடு அதிக வாய்ப்புள்ளதாக கூறப்பட்டாலும், மகிந்திரா தனது BE 07 மின்சார SUV அல்லது Vision S கான்செப்ட்டை அறிமுகப்படுத்தவோ அல்லது காட்சிப்படுத்தவோ வாய்ப்பு இருப்பதாகவும் தகவல்கள் வெளியாகியுள்ளன.
இருப்பினும், எந்த மாடல் அறிமுகமாகும் என்பது குறித்து மகிந்திரா இதுவரை எந்த அதிகாரப்பூர்வ தகவலையும் வெளியிடவில்லை.
