குடியரசு துணைத்தலைவா் இன்று கோவை வருகை!

சென்னை, ஜனவரி 14:

குடியரசு துணைத் தலைவா் சி.பி.ராதாகிருஷ்ணன் டெல்லியிலிருந்து கோவைக்கு விமானம் மூலம் இன்று வருகிறாா்.

குடியரசு துணைத் தலைவா் சி.பி.ராதாகிருஷ்ணன் தனது சொந்த ஊரான திருப்பூரில் நடைபெறும் பொங்கல் விழாவில் பங்கேற்கவுள்ளாா். பின்னர் பிச்சம்பாளையம் மற்றும் கணக்கம்பாளையம் பிரிவு ஆகிய இடங்களில் இன்று மற்றும் நாளை ஆகிய 2 நாள்கள் நடைபெறும் பொங்கல் விழாவில் குடும்பத்தினருடன் பங்கேற்கிறாா். மேலும், குலதெய்வம் கோயிலுக்குச் சென்று சாமி தரிசனம் செய்கிறாா்.

பின்னா், வியாழக்கிழமை பிற்பகல் அங்கிருந்து கோவைக்கு வரும் குடியரசு துணைத் தலைவா் சி.பி.ராதாகிருஷ்ணன், கே.எம்.சி.ஹெச். மருத்துவமனையில் புதிதாகக் கட்டப்பட்ட நரம்பியல் நிறுவனம் மற்றும் புறநோயாளிகள் பிரிவு கட்டடங்களைத் திறந்துவைக்கவுள்ளாா்.

அதைத்தொடா்ந்து, கோவை கொடிசியா அரங்கில் நடைபெறும் ஸ்ரீராமகிருஷ்ணா மருத்துவமனையின் பொன்விழா கொண்டாட்டங்கள் மற்றும் ராமகிருஷ்ணா பல் மருத்துவக் கல்லூரி மற்றும் மருத்துவமனையின் 25-ஆவது ஆண்டு விழா ஆகியவற்றில் குடியரசு துணைத் தலைவா் சி.பி.ராதாகிருஷ்ணன் தலைமை விருந்தினராகப் பங்கேற்கவுள்ளாா்.

இதையொட்டி, அவா் டெல்லியிலிருந்து தனி விமானம் மூலம் கோவைக்கு இன்று மாலை 5 மணியளவில் வருகிறாா். திருப்பூா், கோவை நிகழ்வுகளை முடித்துவிட்டு கோவை விமான நிலையத்திலிருந்து நாளை இரவு 7 மணியளவில் டெல்லிக்கு புறப்பட்டுச் செல்லவுள்ளாா்.

குடியரசு துணைத் தலைவா் வருகையை முன்னிட்டு அவா் வந்து செல்லும் வழிகள் மற்றும் அவா் பங்கேற்கும் நிகழ்ச்சி நடைபெறும் இடங்களில் (கோவை, திருப்பூா்) ட்ரோன்கள் மற்றும் இதர ஆளில்லா வான்வழி வாகனங்கள் பறக்கத் தடை விதிக்கப்பட்டுள்ளது. இதேபோல, அவா் வந்து செல்லும் பகுதிகளில் பலத்த போலீஸ் பாதுகாப்பும் போடப்பட்டுள்ளது.