அரங்கம் அதிரட்டும்! -‘கூலி’ படத்தின் ‘பவர் ஹவுஸ்’ பாடல் இன்று வெளியீடு

சென்னை, ஜூலை 22:

நடிகர் ரஜினிகாந்த் மற்றும் இயக்குநர் லோகேஷ் கனகராஜ் இணைந்து உருவாக்கிய திரைப்படம் ‘கூலி’ இசையமைப்பாளர் அனிருத் இசையமைக்கிறார். இத்திரைப்படத்தில் அமீர் கான், சத்யராஜ், நாகர்ஜுனா, சௌபின் ஷாஹிர், ஸ்ருதிஹாசன், பகத் பாசில், ரெபா மோனிகா ஜான் மற்றும் உபேந்திரா உள்ளிட்ட பலரும் நடித்துள்ளனர்.

‘கூலி’ திரைப்படம் ஆகஸ்ட் 14-ஆம் தேதி வெளிவர உள்ளது. படத்தின் முதல் இரண்டு பாடல்கள் ‘சிக்கிடு’ மற்றும் ‘மோனிக்கா’ கடந்த வாரங்களில் வெளியாகி ரசிகர்களிடையே பெரிய வரவேற்பைப் பெற்றுள்ளன. இந்நிலையில், படத்தின் மூன்றாவது பாடலான ‘பவர் ஹவுஸ்’ இன்று மாலை வெளியிடப்படவுள்ளது. அனிருத் இசை நிகழ்ச்சி இத்தொடரில், இந்தப் பாடல் ஐதராபாத்தில் நடைபெறும் இசை நிகழ்ச்சியில் இரவு 9:30 மணிக்கு வெளியாகும் என்று படக்குழு அறிவித்துள்ளது.