சென்னை, அக்டோபர் 18:
தமிழகத்தில் நேற்று தங்கத்தின் விலை பவுனுக்கு ரூ.2,400 உயர்ந்து புதிய உச்சத்தை தொட்ட நிலையில், இன்று திடீரென பவுனுக்கு ரூ.2,000 குறைந்துள்ளது. இதேபோல், வெள்ளி விலையும் கிராமுக்கு ரூ.13 குறைந்து திரும்பியுள்ளது.
நேற்று தங்கம் கிராமுக்கு ரூ.300 உயர்ந்து ரூ.12,200-க்கும், பவுனுக்கு ரூ.97,600-க்கும் விற்பனையாகியது. ஆனால் ஒரு நாளில் திடீர் சரிவால் இன்று தங்கம் கிராமுக்கு ரூ.11,950-க்கும், பவுனுக்கு ரூ.95,600-க்கும் விற்பனையாகிறது.
தற்போதைய விலை சரிவால் தீபாவளி பண்டிகையை முன்னிட்டு தங்க நகைகள் வாங்கும் ஆர்வம் மீண்டும் பெருகியுள்ளது.
இந்த நிலையில் தொடர்ச்சியாக உயர்ந்து வந்த வெள்ளியின் விலை மூன்றாம் நாளாக குறைந்துள்ளது. இதன்படி, ஒரு கிராம் வெள்ளி விலை ரூ.190-ஆகவும், ஒரு கிலோ வெள்ளியின் விலை ரூ.1,90,000-ஆகவும் உள்ளது. இதனால் நகை வியாபாரிகளுக்கு சிறு ஊக்கம் ஏற்பட்டுள்ளது.
சர்வதேச சந்தையில் தங்க விலையில் ஏற்பட்ட மாற்றங்கள், டாலர் மதிப்பு, எண்ணெய் விலைப் பிரச்சனைகள் ஆகியவை இந்திய சந்தை விலைகளையும் பாதித்துள்ளதாக நிபுணர்கள் தெரிவித்துள்ளனர். ஆனால், வரும் வாரங்களில் தங்கம் மீண்டும் நிலைப்படும் வாய்ப்பு உள்ளதாகவும் தெரிவித்தனர்.