சத்தீஸ்கர் முன்னாள் முதல்வரின் மகன் சைதன்யா அமலாக்கத்துறையால் கைது

சத்தீஸ்கர், ஜூலை 18:

சத்தீஸ்கர் மாநிலத்தில் 2019–22-ம் ஆண்டு காங்கிரஸ் ஆட்சியில் நடைபெற்றதாக கூறப்படும் மதுபான ஊழல் வழக்கு நாட்டில் பெரும் அதிர்வலை எழுப்பியுள்ளது. முந்தைய முதல்வர் பூபேஷ் பாகேலின் நிர்வாகத்தின்போது மதுபான கொள்கையில் நடந்த ரூ.3,200 கோடி அளவிலான மோசடி தொடர்பாக அமலாக்கத்துறை தீவிர விசாரணை மேற்கொண்டு வருகிறது.

குறிப்பாக, இவரது மகன் சைதன்யா பாகேல் மீது மதுபான ஊழலில் நேரடி தொடர்பு இருப்பதாக சந்தேகடிக்கப்பட்ட நிலையில் அமலாக்கத்துறை பிலாய் நகரில் வைத்து இன்று சைதன்யாவை கைது செய்தது. கடந்த மார்ச் மாதம் அவருடன் தொடர்புடைய காணப்படும் நபர்களின் வீடுகளில் அமலாக்கத்துறை பரவலான சோதனைகள் நடத்தி இருந்தது. இந்த விசாரணையில், ரூ.205 கோடி மதிப்பிலான சொத்துகளை பறிமுதல் செய்துள்ளது.

மத்தியில் அதிகாரப்பூர்வமாக இருந்த சில முக்கிய காங்கிரஸ் தலைவர்கள், முன்னாள் ஐஏஎஸ் அதிகாரிகள் உள்ளிட்டோர் கடந்த ஆண்டு கைது செய்யப்பட்டனர். தற்போது சைதன்யா பாகேல் கைது செய்யப்பட்டிருக்க, இந்த நடவடிக்கை அரசியல் தலையீடு என காங்கிரஸ் கட்சி கடுமையாக கூறியுள்ளது.

மதுபான பாதிரியில் இந்த அளவிலான மோசடிகள் நடைபெற்ற பதிவை ஒட்டி, மாநில பொருளாதார குற்றப்பிரிவு போலீசும், மதுவிலக்கு துறையின் 22 அதிகாரிகளுக்கு எதிராக குற்றப்பத்திரிகை தாக்கல் செய்திருக்கிறது.

சைதன்யா பாகேலை கைது செய்ததை தொடர்ந்து, முன்னாள் முதல்வர் பூபேஷ் பாகேல் – “இது என் மகனின் பிறந்தநாளுக்கான பிரதமர் மோடி மற்றும் உள்துறை அமைச்சர் அமித் ஷாவின் பரிசு,” என கடுமையாக விமர்சனம் செய்து உள்ளார். மேலும், சுரங்க நிலம் குறித்து மாநில சட்டமன்றத்தில் அவர் பிரச்சினை எழுப்புவதை தடுக்கும் முயற்சியாக இது திட்டமிட்ட நடவடிக்கை என்றும் அவர் குற்றம்சாட்டியுள்ளார்.

இந்த நடவடிக்கையை எதிர்த்து, அனைத்து காங்கிரஸ் எம்.எல்.ஏ.க்களும் சட்டமன்ற நடவடிக்கைகளை புறக்கணித்து வெளிநடப்பு செய்தனர். எதிர்க்கட்சித் தலைவர் சரண் தாஸ் மஹந்த், “அனைத்து காங்கிரஸ் உறுப்பினர்களும் சைதன்யாவின் கைது குறித்து சட்டமன்றத்திலிருந்து வெளியேறுகிறோம். நாங்கள் இதனை கடுமையாகக் கண்டிக்கின்றோம்,” என தெரிவித்தார்.

முன்னதாக, அமலாக்கத்துறை அதிகாரிகள் அதிகாலை நேரத்தில் பூபேஷ் பாகேலின் இல்லத்தில் அதிரடிச் சோதனை நடத்தியதாகவும், மூத்த பாஜக தலைவர்கள் காவல்துறையையும், விசாரணை நிறுவனங்களையும் நேரடியாகத் துஷ்பிரயோகம் செய்கின்றனர் என்றும் காங்கிரஸ் தரப்பில் குற்றச்சாட்டு வைக்கப்பட்டுள்ளது.