சென்னை, செப்டம்பர் 17:
தமிழினத்தின் எழுச்சிக்கான பகுத்தறிவுப் பேரொளி பெரியார் என அவரது பிறந்தநாளில் தமிழக முதலமைச்சர் மு.க.ஸ்டாலின் புகழாரம் அளித்துள்ளார்.
பெரியாரின் பிறந்தநாளான இன்று சமூக நீதி நாள் என 2021-ஆம் ஆண்டு முதல் தமிழகம் முழுவதும் சிறப்பாக கொண்டாடப்படுகிறது.
சென்னை எழும்பூரில் உள்ள பெரியார் திடலில் அமைந்த அவரது சிலைக்கு தமிழக முதலமைச்சர் மு.க.ஸ்டாலின் மலர்தூவி மரியாதை செலுத்தினர். தமிழக எதிர்க்கட்சித் தலைவரான எடப்பாடி பழனிசாமி உள்ளிட்ட பல அரசியல் தலைவர்களும் சமூக வலைதளங்களில் பெரிதும் வாழ்த்து தெரிவித்து வருகின்றனர்.
இந்த நிலையில் முதல்வர் ஸ்டாலின் தனது சமூக வலைதள பதிவில், “தந்தை பெரியார் – இனப்பகையைச் சுட்டெரிக்கும் பெருநெருப்பு! தமிழினத்தின் எழுச்சிக்கான பகுத்தறிவுப் பேரொளி! தந்தை பெரியார் என்றும் – எங்கும் நிலைத்திருப்பார்!” என்று குறிப்பிடுவதைத் தொடர்ந்து, பெரியாரின் போராட்டங்கள் மற்றும் வாழ்க்கை வரலாற்றை விளக்கும் கிராபிக்ஸ் தொழில்நுட்பத்தால் உருவாக்கப்பட்ட சிறப்பு விடியோவையும் வெளியிட்டுள்ளார்.